測試的幫贊

今仔日意外無啥進度，因為拄著 server bug，當咧解決。

代誌是按呢的，咧登入的時，無細膩前端寫無好，致使 Redirect 失敗，所以家己無聊就一直揤，無揤無打緊，server panic！

這足嚴重呢，簡單試驗就發生異常，所以就開始 debug, 毋過猶咧揣是佗位的問題。

測試所省的時間

有當時仔確實足貧惰 TDD ,因為攏會想講敢毋著按呢爾，哪有需要預防啥物。

毋過佇 Vibe Coding 那來那普遍的這馬，其實 Testing 愈來愈重要，家己就有經驗，逐斗 LLM 生產大範圍的 code, 攏會影響足濟部份，致使 Nuxt 的 dev server 歹去，家己閣愛去注意發生啥物代誌，上麻煩的是若是 import 的檔案佮 function 無細膩改著，路線就會走無去，攏閣愛親身落去補，尤其 Nuxt 閣是規套 framework, 足濟魔法藏佇咧內底。

開始會使體會同事煩惱的問題，用 Nuxt 對小專案可能傷 overkill，甚至無適合我這種前端菜鳥仔！