工欲善其事必先利其器！

我這馬上大的困擾應該是開發環境的袂順，無論網路抑是硬體的問題，攏毋是遐順序，尤其這馬 VSCode + LLM + PNPM 這有影傷需要硬體，毋過家己一直毋甘換電腦，嘛一直無做好轉徙資料的準備，這其實攏加減影響著家己開發的意願。

我實在感覺家己應該愛有系統的學習基礎資管智識，踮公司會使毋免煩惱，是因為 MIS 已經鬥相共處理好勢矣，但是踮厝內一旦對家己家私無熟，基本上時間就無去矣。

這 30 工予我發現，逐工的 30分～1點鐘，其實家己會使做一寡基本的專案管理、切分任務，然後 code 毋免濟，LLM 就會使協助做足濟 prototype 矣。

毋過 bottleneck 煞定定出現踮頭拄仔講的硬體問題頂懸。

毋是一下仔 Ubuntu 的 WiFi Adapter 曲去，就是專案走 dev framework 的時陣，CPU 走袂振動迫使登出，閣有家己咧備份出外相片的時，毋是空間無夠需要一直轉徙資料，就是網路出問題，相片袂使一睏傳傷濟，這在在攏需要家己開下班時間去處理。

我有影淡薄仔想欲共生活主力徙到家己的 Macbook 頂懸，按呢嘛毋免買新電腦，而且較無需要煩惱生態箍仔的韌體支援問題。

講誠實的，光 linux kernel 的更新，逐擺攏會影響家己的 bluetooth 佮 WiFi Adapter ，就有影足……齷齪，認真講起來有影無彩工！！！

家己會使理解欲純開發的環境， linux 真正足讚的，但是我下班嘛需要生活、𨑨迌！

我感覺家己可能愛適應欲按怎 remote developement，若是會使就用厝內筆電連厝內 server 協助編譯，然後家己𨑨迌、娛樂就完全佮開發分開，毋過這就愛去了解，學一下仔現代公司 remote development 的經驗，台灣實在傷少這款工課型態矣………

望後一个30工，我會使好好仔生活、開發，完成這的專案，得著屬於家己的言論自由！